ములక్కాడలు తింటే ఇమ్యూనిటీ పెరుగుతుందా..

ఇమ్యూనిటీ బూస్టింగ్ కు ఖరీదైన సప్లిమెంట్స్ అవసరం లేదు. ఇది నిజానికి గుడ్ న్యూసే. నేచురల్ ఫుడ్స్ తో ఇమ్యూనిటీను నిక్షేపంగా బూస్ట్ చేసుకోవచ్చు. అవెలాగో కిచెన్ లో అందుబాటులో ఉంటాయి. సరైన విధంగా కుక్ చేయబడిన బాలన్స్డ్ మీల్స్ అంటే తగిన మోతాదులో నూనెను వాడి అలాగే వివిధ హెల్తీ స్పైసెస్ తో తయారుచేసినవి ఎంతో హెల్ప్ చేస్తాయి. వీటిని ఇమ్యూన్ బూస్టింగ్ సూపర్ ఫుడ్స్ అని చెప్పవచ్చు. చక్కెర ఇమ్యూనిటీకు అంతగా హెల్స్‌ అవదు. ఆంతే కాదు ప్రొసెస్డ్ ఫుడ్స్ కూడా మంచివి కావు. ఇవి ఆరోగ్యానికి హానికరం. ఇమ్యూనిటీ బూస్టింగ్ ఫుడ్స్ ఏంటంటే... 1. స్పైసెస్ విషయానికి వస్తే అల్లం, వెల్లుల్లి, పసుపు, నల్ల మిరియాలు, జీలకర్ర, మెంతులు, సోంపు వంటివి హెల్తీ స్పైసెస్. ఇవి ఇమ్యూనిటీను పెంచేందుకు హెల్ప్ చేస్తాయి. 2. ఓరెగానో, తులసి, లెమన్ గ్రాస్ అలాగే రోజ్ మేరీ వంటి హెర్బ్స్ కూడా ఇమ్యూనిటీ‌ని బూస్ట్ చేస్తాయి. 3. దానిమ్మ, జామకాయ, మామిడిపండు, ద్రాక్ష, నిమ్మ, నారింజలు ఇమ్యూన్ సిస్టమ్‌ని ఇంప్రూవ్ చేయడంలో సపోర్ట్ చేస్తాయి. 4. ములక్కాడలు, గుమ్మడికాయ, స్వీట్ పొటాటో, చిలగడదుంప, కెమికల్ ఫ్రీ ఆకుకూరలు అలాగే క్రూసిఫెరస్ కూరగాయలు కూడా రోగనిరోధక శక్తిని ఇంప్రూవ్ చేస్తాయి. 5. జింక్, సెలీనియం, విటమిన్ డి3, విటమిన్ ఈ, ఐరన్, బీ విటమిన్, విటమిన్ సి వంటి మైక్రో న్యుట్రియెంట్స్ వలన కూడా ఇమ్యూన్ సిస్టమ్ కు లాభమే. 6. పెరుగు, కించి, అన్నం గంజి, పచ్చళ్ళ వంటివి కూడా ప్రోబయాటిక్స్ కోవలోకి వస్తాయి. ఇవి కూడా ఇమ్యూన్ సిస్టమ్ మెరుగుపరిచేందుకు హెల్ప్ చేస్తాయి. 7. ఆపిల్, ఆపిల్ సైడర్ వెనిగర్, వెల్లుల్లి, ఆస్పరాగస్ వంటి ప్రీబయాటిక్స్ ఇమ్యూన్ సిస్టమ్ కు హెల్ప్ చేస్తాయి. 8. నట్స్ తో పాటు గింజలు అలాగే కొబ్బరి నూనె ఆవునెయ్యి రోగనిరోధక వ్యవస్థను పటిష్టపరుస్తాయి. మూమెంట్స్ ముఖ్యమే.. శరీరానికి కదలిక అవసరం. అప్పుడే సర్కులేషన్ ఇంప్రూవ్ అవుతుంది. దానివల్ల శరీరంలోని ట్రిలియన్ల సెల్స్‌కు రక్తసరఫరా అవుతుంది. రక్తం ఆక్సిజన్, పోషకాలను, ఇమ్యూన్ సెల్స్‌ను సరఫరా చేసేతుంది. కదలిక వల్ల ఇవన్నీ శరీరంలోని ప్రతి సెల్‌కి రీచవుతాయి. అలాగే, కదలిక వలన శరీరంలో లింఫ్ సర్క్యులేషన్ యాక్టివ్ అవుతుంది. ఇది శరీరం యొక్క గార్బేజ్ డిస్పోజల్ యూనిట్ అని చెప్పుకోవచ్చు. ఇది శరీరంలోని టాక్సిక్ వేస్ట్ లను రిమూవ్ చేస్తుంది. రోజుకు గంటపాటు ఎక్సర్‌సైజ్ చేశాం కదా సరిపోతుంది అంటే వర్కవుట్ అవదు. ఎక్సర్‌సైజ్‌తో పాటు మూవ్మెంట్ కూడా ఉండాలి. షార్ట్ వాక్, నించోవడం, బొటనవేలికి టచ్ చేయడం, వెనక్కు వంగడం, ముందుకు వంగడం, ప్రతి గంటకు ఐదు స్క్వాట్స్ చేయడం అవసరం. అలాగే కాల్స్ ఎటెండ్ అయ్యేటప్పుడు వాకింగ్ కు ప్రయారిటీ ఇస్తే మంచిది. నిద్ర, విశ్రాంతి: ఒక్కరాత్రి సరిగ్గా నిద్రలేకపోయినా ఇమ్యూనిటీ అనేది దాదాపు 60 నుంచి 70 శాతానికి పడిపోతుందని నిపుణులు చెబుతున్నారు. ఇమ్యూనిటీపై నిద్ర అనేది గొప్ప ప్రభావాన్ని చూపిస్తుంది. ఎవరైతే, రాత్రిపూట నిద్రపోకుండా ఉంటారో వారే ఎక్కువగా అనారోగ్యానికి గురవుతున్న సందర్భాలు మనకు తెలిసినవే. నిద్రలో బాడీ రెస్ట్ మోడ్‌లోకి వెళ్తుంది. అప్పుడే ఇమ్యూన్ సిస్టమ్ రీఛార్జ్ అవుతుంది. కార్, బైక్‌కి అవసరాన్ని బట్టి మెయింటెనెన్స్ ఎలా చేయిస్తామో మన శరీరానికి కూడా మెయింటెనెన్స్ అవసరం. నిద్ర అనేది బాడీ మెయింటెనెన్స్ బాధ్యత తీసుకుంటుంది. నిద్రపోయే ముందు మొబైల్, కంప్యూటర్ స్క్రీన్ కు అతుక్కుపోవడం వల్ల స్లీప్ ప్యాటర్న్స్ దెబ్బతింటాయి. సహజంగా నిద్రలోకి జారిపోయే ఎబిలిటీని శరీరం కోల్పోతుంది. నిద్రలేకపోవడంతో ఇమ్యూనిటీ దెబ్బతింటుంది. పిల్లలకు పెద్దల కంటే ఎక్కువ నిద్ర అవసరపడుతుంది. అప్పుడే వారు ఆరోగ్యంగా ఎదగగలరు. వారిలో ఇమ్యూనిటీ హెల్తీ లెవెల్స్ లో డెవెలప్ అవగలుగుతుంది. తగినంత నిద్రలేకపోతే టీ సెల్స్ పడిపోతాయి. ఇన్ఫ్లమేటరీ సైటోకైనిన్స్ పెరిగిపోతాయి. దాంతో, జలుబు, దగ్గు, ఫ్లూ, ఇన్ఫెక్షన్ తో పాటు వ్యాధుల బారిన పడే రిస్క్ పెరుగుతుందంటున్నారు నిపుణులు. ఎమోషనల్ హెల్త్: మనోవేదన అలాగే మానసికంగా ఎక్కువగా స్ట్రెస్ కలిగి ఉండటం వల్ల ఫిజికల్ హెల్త్‌పై దుష్ప్రభావం పడుతుంది. కాబట్టి, ఫిజికల్, మెంటల్ అలాగే ఎమోషనల్ హెల్త్ని కాపాడుకోవడం ముఖ్యం. క్రానిక్ స్ట్రెస్ మంచిది కాదు. ఇమ్యూనిటీ పవర్ తగ్గిపోతుంది. క్రానిక్ స్ట్రెస్ వలన శరీరంలో అక్కర్లేని మార్పులు చోటుచేసుకుంటాయి. నేచురల్ రిథమ్ దెబ్బతింటుంది. ప్రాణాంతక ఆరోగ్య సమస్యలు కూడా వచ్చే రిస్క్ ఎక్కువే. గుండె జబ్బులు, హార్మోన్ల ఇన్‌బాలెన్స్, ఒబెసిటీ, పీసీఓడీ అనేవి స్ట్రెస్‌కి సంబంధించిన కొన్ని అనారోగ్య సమస్యలు. ఈ మధ్యకాలంలో ప్యాండెమిక్ తలెత్తడం వల్ల చాలామంది ఇమ్యూనిటీని పెంచుకోవడంపై ఫోకస్ పెట్టారు. అయితే, ఇక్కడ గమనించవలసిన విషయం ఏంటంటే ఇమ్యూనిటీ అనేది రెండు, మూడు చిన్న చిన్న ఛేంజెస్ వలనైతే డెవలప్ కాదు. ఇమ్యూనిటీను బూస్ట్ చేసుకోవడానికి రెగ్యులర్ లైఫ్ స్టైల్‌లో మేజర్ ఛేంజెస్ అవసరమని అంటున్నారు నిపుణులు. ఇమ్యూనీటీ సిస్టమ్ గురించి మాట్లాడాల్సి వచ్చినప్పుడు ముందుగా ఇది ఒక సిస్టమ్ అని గుర్తించాలి. అంటే, ఎదో ఒక సింగిల్ అప్రోచ్, ఫుడ్‌లోని మార్పులతో ఇమ్యూనిటీను పూర్తిగా డెవెలప్ చేసుకోలేం. సిస్టమేటిక్ అప్రోచ్‌తో మాత్రమే ఇమ్యూనిటీ డెవెలప్‌మెంట్ సాధ్యం. సరైన న్యూట్రిషన్‌ను తీసుకోవాలి, శరీరానికి తగినంత యాక్టివిటీ అలాగే మూమెంట్ ఉండాలి. తగినంత విశ్రాంతి కూడా అవసరమే. అలాగే మన ఎమోషన్స్ పై కూడా మనం దృష్టిసారించాలి. మన థాట్స్ క్వాలిటీని ఎప్పటికప్పుడు రివ్యూ చేసుకోవాలి. నిపుణులు ఏమంటున్నారంటే బయటి ఎన్విరాన్మెంట్‌పై మనకు కంట్రోల్ ఎక్కువగా ఉండదు. మహా అయితే కొద్దిపాటి కంట్రోల్ ఉండొచ్చు. కాబట్టి, మనకు కంట్రోల్ ఉన్న ఇన్నర్ ఎన్విరాన్మెంట్‌పై దృష్టి పెట్టాలి. ఆ విధంగా లైఫ్ స్టైల్‌ను మార్చుకోవాలి. హ్యాపీనెస్, గ్రాటిట్యూడ్, నవ్వులు, హగ్స్, ప్రశంస వంటి పాజిటివ్ ఎమోషన్స్ ఇమ్యూనిటీను బూస్ట్ చేస్తాయి. ఈ విషయం మెడికల్ గా ప్రూవ్‌అయిందని నిపుణులంటున్నారు. కాబట్టి, ఇమ్యూనిటీను పెంచుకోవడానికి ఈ అప్రోచెస్ పై ఫోకస్ పెడితే ఫలితం ఉంటుంది.

from Health Tips in Telugu: ఆరోగ్య చిట్కాలు, Health Care, Fitness & Diet Tips - Samayam Telugu https://ift.tt/2XpCrFm