చలికాలంలో టమాట తినొచ్చా..

చలికాలంలో కొన్ని లైఫ్ స్టైల్ ఎడ్జస్ట్మెంట్స్ కూడా చేసుకోవాలి. అప్పుడే ఈ కోల్డ్ వెదర్ ని తట్టుకోవడానికి బాడీ ప్రిపేర్ అయి ఉంటుంది. శీతాకాలం లో ముఖ్యం గా జాగ్రత్త పడవలసినది హైడ్రేషన్ విషయంలో. ఈ హైడ్రేషన్ నీటి వల్ల, నీటి శాతం ఎక్కువగా ఉన్న కూరగాయలు తీసుకోవడం వల్ల లభిస్తుంది. ఆ ఆహార పదార్ధాలేమిటంటే, పాల కూర.. పాలకూర ని పోషకాల గని అని చెప్పవచ్చు. పాల కూర వల్ల స్కిన్, హెయిర్ కి ఎన్నో ప్రయోజనాలు సమకూరడం తో పాటూ ఈ చలి కాలం లో మీ బాడీలో నీరు ఉండేలా చూస్తుంది. ఆకు కూరలలో తొంభై శాతం నీరే ఉంటుంది. అంతే కాక, పాల కూర లో ల్యుటీన్, పొటాషియం, ఫైబర్, ఫోలేట్, విటమిన్ ఈ ఉన్నాయి. ఇవన్నీ కలిసి ఈ వింటర్ లో పాలకూర తీసుకోవడం కంపల్సరీ చేసేస్తాయి. టొమేటో.. టొమేటో తో పప్పు, కూరలు రకరకాలు చేస్తాం. చాలా కామన్ గా వాడే కూరగాయల్లో టొమేటో కూడా ఉంటుంది. ఇందులో కూడా తొంభై శాతం నీరే ఉంటుంది. ఇందు వల్ల శరీరానికి లోపలి నుండి పోషణ లభిస్తుంది. పైగా, టొమేటోలు బరువు తగ్గడం లో కూడా సహాయ పడతాయి. అంతే కాక, టొమేటోలని మీరు పచ్చిగా కూడా తినవచ్చు. క్యాప్సికం.. పసుపు, ఆకుపచ్చ క్యాప్సికం లో వాటర్ కంటెంట్ ఎక్కువగా ఉంటుంది. ఇందు వల్ల బాడీలో వాటర్ నిలుస్తుంది. స్టడీస్ ప్రకారం క్యాప్సికం లో 93.9% నీరే ఉంటుంది. ఇంకా ఇందులో విటమిన్ సీ, విటమిన్ బీ6, బీటా కెరొటిన్, థయామిన్, ఫోలిక్ ఆసిడ్ ఉన్నాయి. కాలీఫ్లవర్.. కాలీఫ్లవర్ ప్రస్తుతం కీటో ఫ్రెండ్లీ వెజిటబుల్ అయిపోయింది. అదే కాక మామూలుగా కూడా చాలా మందికి ఇది ఫేవరెట్ వెజిటబుల్ కూడా. కాలీ ఫ్లవర్ ని సూప్స్, సలాడ్స్, కర్రీస్, రైస్ లో వాడుకోవచ్చు. ఈ వెజిటబుల్ లో కూడా నిండుగా నీరే ఉంటుంది. ఒక కప్పు తరిగిన కాలీ ఫ్లవర్ వల్ల 50 ఎంఎల్ నీరు లభిస్తుంది. ఆలివ్ ఆయిల్.. వెజిటబుల్స్ వండడానికి ఆలివ్ ఆయిల్ బెస్ట్ ఆయిల్ అని చెబుతారు. ఇందులో ఉండే మంచి ఫ్యాట్స్, విటమిన్ ఈ బాడీకి లోపలి నుండి పోషణని అందిస్తాయి. ఆలివ్ ఆయిల్ ని స్కిన్ మీద అప్లై చేసినా కూడా స్కిన్ కి మంచి పోషణ లభిస్తుంది. అందు వల్లనే వింటర్ సీజన్ లో దీన్ని చక్కని మాయిశ్చరైజర్ లా వాడుకోవచ్చు. తరువాత గుర్తు పెట్టుకోవాల్సిన విషయం నీరు తాగుతూ ఉండడం. చలికాలం వచ్చిందంటే మనం నీళ్ళు తాగడం మర్చిపోతామని అందరికీ తెలిసిన విషయమే. శరీరానికి నీరు ఎంత అవసరమో తెలిసి కూడా సమ్మర్ లో తాగినంత రెగ్యులర్ గా మనం వింటర్ లో నీరు తాగం. అసలు అలా తాగాలి అనే విషయం కూడా గుర్తుండదు. ఎందుకు గుర్తుండదు అంటే, చలికాలం లో మనకి చెమట పట్టదు. కానీ, చలి గాలులకి బాడీలో నుండి మాత్రం మనకి తెలియకుండానే నీటి శాతం తగ్గిపోతూ ఉంటుంది. పైగా, ఈ కాలం లో మనకి అంత దాహం గా కూడా అనిపించదు, కాబట్టి నీరు తాగాలన్న సంగతే మర్చిపోతాం. కానీ, తగినంత నీరు తాగకపోతే మాత్రం ఇమ్యూన్ సిస్టమ్ బాగా బలహీనపడుతుంది. చలికాలం లో నీరు తాగుతూ ఉండడం వల్ల ఉండే బెనిఫిట్స్ ఇక్కడ ఉన్నాయి చూడండి. 1. సీజన్ తో సంబంధం లేకుండా, సమ్మర్ అయినా వింటర్ అయినా బాడీ టెంపరేచర్ ని రెగ్యులేట్ చేయాలంటే నీరు అవసరం. తగినంత నీరు తాగుతూ ఉండడం వల్ల లోపలి నుండి టెంపరేచర్ రెగ్యులేషన్ జరుగుతుంది. హైపోథెర్మియా లాంటి కండిషన్స్ ని పిర్వెంట్ చేయవచ్చు. 2. చలిగా, పొడిగా ఉండే ఈ వాతావరణం ఎనర్జీనంతా పీల్చేస్తుంది. ఫలితంగా బద్ధకంగా అనిపించడం తో పాటూ జలుబు, ఫ్లూ వంటి సమస్యలు కూడా ఎదుర్కోవలసి వస్తుంది. నీరు తాగడం వల్ల ఇమ్యూనిటీ బూస్ట్ అవుతుంది, ఇన్‌ఫెక్షన్స్ బారిన పడకుండా ఉంటారు. 3. హైడ్రేటెడ్ గా ఉంటే శరీరానికి ఫ్యాట్స్ ని బ్రేక్ డౌన్ చేయడం తేలిక అవుతుంది. ఫలితం గా బరువు తగ్గడం తేలిక అవుతుంది. 4. నీరు సరిపోకపోతే ఆ ఎఫెక్ట్ ముందుగా కనిపించేది స్కిన్ మీదే. స్కిన్ డ్రై గా, డల్ గా తయారవుతుంది. స్కిన్ హెల్త్ కి కూడా నీరు అత్యవసరం. కొన్ని టిప్స్.. 1. ఈ నీటిని కూడా రూమ్ టెంపరేచర్ లో తాగితేనే మంచిది. 2. స్ట్రాబెర్రీస్, ఆరెంజెస్, పైనాపిల్ వంటి ఫ్రూట్స్ లో కూడా నీటి శాతం ఎక్కువగా ఉంటుంది. ఇప్పుడు ఈ పండ్లు దొరుకుతాయి కూడా. 3. ఆల్కహాల్, కెఫీన్ తీసుకోవడం బాగా తగ్గించండి. ఈ సమయం లో వేడి వేడి టీ, కాఫీ తాగకుండా ఉండడం కష్టం కానీ తప్పదు మరి. వీటిని ఎంత తగ్గించగలిగితే అంత తగ్గించండి. వీటిని తీసుకునేటప్పుడు ఇవి బాడీని డీహైడ్రేట్ చేస్తాయి అన్న విషయం గుర్తు పెట్టుకుంటే నెక్స్ట్ టైమ్ వీటి మీదకి అంత తొందరగా మనసు పోదు. 4. వేడి వేడి సూప్స్ ఈ కాలం లో చాలా మంచివి. ఈ సూప్స్ కూడా ఇంట్లో తయారు చేసినవి అయితే ఇంకా హెల్దీ అన్న విషయం మీకూ తెలిసిందే కదా. గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.

from Health Tips in Telugu: ఆరోగ్య చిట్కాలు, Health Care, Fitness & Diet Tips - Samayam Telugu https://ift.tt/2TVmJ2Q